Le Linx ou l'Once est de Panthere espece,
De sens visif tressubtil et argutz.
Sa veue perse une substance espece,
Comme un clair verre, et ha les yeulx agus,
Plus clair voyans, qu'oncque ne veit Argus.
De son urine, il se faict une pierre,
Lynchurion, luysant comme ambre ou verre,
Qui ha vertu contre le mal des yeulx :
Ce que sachant, par envie il l'enterre.
Voir par trop clair cause d'estre envieux.